ამერიკელი მომღერალი დემი ლოვატო, რომელიც 25 ივლისს ჰეროინის ზედოზირების შედეგად საავადმყოფოში მოხვდა, გუშინ გაწერეს.
მომღერლის მეგობრების თქმით, ის სრულად გადართულია თავის ჯანმრთელობაზე. ლოვატო რეაბილიტაციის კურსს გააგრძელებს.
2 დღის წინ, მომღერალმა პირველი პოსტი გამოაქვეყნა მას შემდეგ, რაც ზედოზირების შედეგად საავადმყოფოში მოხვდა.
"ეს არის დაავადება, რომელიც დროთა განმავლობაში არ ქრება. ეს არის ის, რისი გადალახვის პროცესში მუდმივად ხარ",- დაწერა მომღერალი instagram- ზე.
ლოვატომ ფანებსა და ოჯახს მხარდაჭერისთვის მადლობა გადაუხადა.
"მე ბრძოლას ვაგრძელებ!"- დაწერა მომღერალმა.
25 წლის დემი ლოვატო წლების განმავლობაში ნარკოდამოკიდებულებისგან მკურნალობდა. მომღერლის ფსიქიკური ჯანმრთელობისა და კვებითი დარღვევების პრობლემები წლებია განხილვის საგანია. 2017 წელს მან თქვა, რომ სიფხიზლის 6 წელი აღნიშნა. თუმცა 2018 წლის ივნისში მან სიმღერა Sober გამოუშვა, სადაც ის ამბობს, რომ სასმელს კვლავ იღებს, რისთვისაც დედ-მამას და ფანებს ბოდიშს უხდის.
