ვოლსკი: ბატონი გოგი დამსახურებული პიროვნებაა, ბევრი აქვს გაკეთებული ქვეყნისთვის

ბატონი გოგი საკმაოდ დამსახურებული პიროვნებაა, ძალიან ბევრი აქვს გაკეთებული ქვეყნისთვის. ვიღაცას მოწონს, ვიღაცას არ მოწონს, მაგრამ ფაქტია, რომ არის საკითხების გარკვეული წრე, რომელშიც ბატონი გოგი პირველი იყო თავის სფეროში, ბიზნესის სფეროში, რაც რატომღაც უარყოფითი ნაწილიდან შუქდება ხოლმე. ის საკმაოდ პატრიოტული სულისკვეთების ადამიანია, რომელსაც თავის ქვეყანა უყვარს, საპარლამენტო საქმიანობაც იცის. დაუშვა რაღაც არაკორექტული გამონათქვამი პრეზიდენტის პარლამენტში ყოფნისას, თავადაც ბოდიში მოიხადა, მაგრამ ამას მოყვა კიდევ მეტი არაკორექტულობა მის მიმართ. მაგრამ პასუხი, რომელიც მან გასცა კონკრეტულად რესპუბლიკური პარტიის ზოგიერთ წარმომადგენელს, შეეხო არა რესპუბლიკურ პარტიას პირდაპირ, არამედ, რეალურად გადასწვდა კოალიციისა და მთავრობის პოზიციას. საგარეო თუ საშინაო საკითხები, სწორედ ეს არის თემები, სადაც მე პირადად მის განცხადებებს, გამონათქვამებს, საგარეო და საშინაო პოლიტიკის საკითხებში ვერანაირად ვერ დავეთანხმები და ვფიქრობ, კითხვის ნიშნები სწორედ ამან წარმოშვა.