პრემიერი: მოქალაქეებმა უნდა იცოდნენ, რა სიკეთე აქვს ევროკავშირთან ინტეგრაციას

ჩვენ გვქონდა წინასწარი თათბირი, თუ როგორ გავზარდოთ რეგიონებში ევროკავშირის სხვადასხვა პროგრამის ხილვადობა და ამ მიმართულებით სტრატეგიული კომუნიკაცია გავაძლიეროთ. ჩვენ ვაპირებთ, რომ ძალიან მნიშვნელოვანი კამპანია დაიგეგმოს ყველა მიმართულებით, რათა მოსახლეობა ინფორმირებული იყოს იმ დახმარების პროგრამების შესახებ, რომელსაც საქართველო იღებს ევროკავშირისგან. საქართველოს მოქალაქეებს უნდა ჰქონდეთ ინფორმაცია, რა სიკეთეები მოაქვს ევროკავშირთან ინტეგრაციის პროცესს, თუ როგორ ხდება ქვეყნის ტრანსფორმაცია იმ მიმართულებით, რომ საქართველოში ცხოვრება იყოს უკეთესი, რათა ნებისმიერი ადამიანისთვის გაფართოვდეს შესაძლებლობათა სპექტრი, იმისთვის,რომ მიიღოს უკეთესი განათლება, კომპანიებმა განახორციელონ ექსპორტი ევროპის ბაზრებზე და ა.შ.