დღეს, თბილისში, თავისუფლების მოედანზე დაგეგმილ აქციაში მონაწილეობის მისაღებად ერთიანი ნაციონალური მოძრაობის წარმომადგენლების და მათი მხარდამჭერების კოლონა ქუთაისიდანაც დაიძრა.
ერთიანი ნაციონალური მოძრაობის მიერ დაგეგმილი აქცია ლოზუნგით - "გადადგეს უუნარო მთავრობა" - თავისუფლების მოედანზე 16:00 საათზე დაიწყება. იქამდე, აქციის მონაწილეები ვარდების მოედანსა და ბარათაშვილის ქუჩაზე (ყოფილი კოლმეურნეობის მოედანი) შეიკრიბებიან, საიდანაც მოეწყობა მსვლელობა თავისუფლების მოედნისკენ. მათ შეუერთდებიან რეგიონებიდან წამოსული კოლონებიც.
კოლონები სამეგრელოდან, აჭარიდან და ახალციხიდანაც დაიძრნენ.
