მარტინ სკორსეზეს ფილმის - "უოლ სტრიტის მგელი" - რიგით მეორე ტრეილერი გამოვიდა.
"უოლ სტრიტის მგელი" ჯორდან ბელფორტზე (ლეონარდო დი კაპრიო) მოგვითხრობს, ახალგაზრდა ქარიზმატულ ბროკერზე, რომელიც არალეგალური გზით მილიონობით ამერიკულ დოლარს იშოვის.
ფილმი რეალურ ამბებზეა დაფუძნებული და მასში მთავარ როლებს ლეონარდო დი კაპრიო, მეთიუ მაკონაჰი, ჟან დუჟარდინი და ჯონა ჰილი ასრულებენ. ეს ოსკაროსანი მარტინ სკორსეზესა და ლეონარდო დი კაპრიოს რიგით მეხუთე ერთობლივი პროექტი იქნება, ნამუშევარი მომავალი ოსკარების დაჯილდოების ერთ-ერთ უმთავრეს ფავორიტად ითვლება.
"უოლ სტრიტის მგელი" აშშ-ის კინოთეატრებში 25 დეკემბერს გამოვა.
