ფარული ჩანაწერების და უკანონო მოსმენების შესახებ ამნისტიის კანონპროექტი პარლამენტში ინიცირებული იქნა განსახილველად. კანონპროექტის მიხედვით, სახელმწიფო ერთჯერადი სახით აცხადებს ამნისტიას და საშუალებას აძლევს სისხლის სამართლებრივი პასუხისმგებლობისგან გათავისუფლდნენ ის პირები, ვინც ამ კანონის გამოცხადებიდან ერთი თვის ვადაში პროკურატურას გადასცემენ სისხლის სამართლის კოდექსის 158-ე და 159-ე მუხლებით გათვალისწინებულ კერძო კომუნიკაციის ჩანაწერს, ტექნიკური საშუალებით მოპოვებულ მასალებს, კომპიუტერულ მონაცემს, პირადი მიმოწერის ამსახველ ინფორმაციას, საფოსტო გზავნილს, ტელეფონით თუ სხვა ტექნიკური საშუალებით საუბრის ჩანაწერს, აგრეთვე ტელეგრაფით, ფაქსით ან სხვა ტექნიკური საშუალებით მიღებულ ინფორმაციას. აღნიშნული კანონი ვრცელდება იმ ადამიანებზე, რომლებმაც სსკ-ს 158-ე და 159-ე მუხლებით გათვალისწინებული დანაშაული 2012 წლის დეკემბრამდე ჩაიდინეს.
საქართველოს პარლამენტი
ამნისტიის კანონპროექტი ფარული ჩანაწერების შესახებ უკვე ინიცირებულია
parliament.ge
