საქართველოს თავდაცვის სამინისტროში დათხოვნილი კადრები ბრუნდებიან. როგორც სამინისტროს პრესსამსახური იუწყება, საქართველოს შეიარაღებულ ძალებში აღდგენისა და დასაქმების თხოვნით სამინისტროს 3 323 პირმა მიმართა.
არსებული ინფორმაციით, 435 პირი უკვე აღდგენილია, ხოლო 500-მდე ადამიანი დანიშვნის პროცედურებს გადის.
გაერთიანებულ შტაბში შექმნილი სპეციალური სამუშაო ჯგუფი აღნიშნული განცხადებების მიღებას 22 თებერვლიდან შეწყვეტს. ამ ტიპის განცხადებებს, მომავალში, თავდაცვის მინისტრის ბრძანებით შექმნილი თანამდებობრივი საკვალიფიკაციო კომისია განიხილავს.