მთავარ პროკურატურაში ყოფილი პრემიერ-მინისტრის მეუღლის თაკო სალაყაიას მოწმის სახით დაკითხვა დასრულდა. დაკითხვის შემდეგ სალაყაიამ ჟურნალისტებთან კომენტარი არ გააკეთა, მისმა ადვოკატმა გოგიტა გაბაიძემ კი განაცხადა, რომ არსებობდა გარკვეული შეკითხვები, რომლებსაც პასუხი გაეცა. თუმცა, დაკითხის დეტალებზე მას არ უსაუბრია.
თაკო სალაყაიას დაკითხვა მთავარ პროკურატურაში 19.00 საათზე დაიწყო და საათნახევრის განმავლობაში მიმდინარეობდა.
პროკურატურის ცნობით, სალაყაია მოწმის სტატუსით, 2005 წელს პოლიციელების ცემის საქმეზე დაიკითხა. ამ საქმეზე ბრალი უკვე წარედგინათ კუდ-ის ყოფილ უფროსს დათა ახალაიას, კუდ-ის თანამშრომლებს სოსო თოფურიძეს, გერონტი ალანიასა და ოლეგ მელნიკოვს. მათ დაუსწრებლად წინასწარი პატიმრობა აქვთ მისჯილი და ძებნაა გამოცხადებული. ოლეგ მელნიკოვი ამჟამად უკრაინაშია დაკავებული, პროკურატურამ მის ექსტრადირებას ელოდება.