შინაგან საქმეთა სამინისტროს ანტიკორუფციულმა სააგენტომ ყოფილი პრემიერ მინისტრი ნიკა გილაური და ფინანსთა ყოფილი მინისტრი დიმიტრი გვინდაძე დაკითხვაზე დაიბარა. გვინდაძე ანტიკორუფციულ სააგენტოში 22 დეკემბერს, პირველ საათზე, გილაური კი ოთხ საათზე უნდა გამოცხადდეს.
ორივე ყოფილი მაღალჩინოსანი ბანკი "ქართუს" გაკოტრების მცდელობის საქმესთან დაკავშირებით მოწმის სტატუსით არიან დაბარებული.
