ყოფილმა მინისტრებმა პრეზიდენტის ადმინისტრაციაში თანამდებობები მიიღეს

ტატიანა გოლიკოვა, რომელიც 2007-2012 წლებში რუსეთის ფედერაციის ჯანდაცვის მინისტრი იყო, დღეიდან  ოკუპირებული აფხაზეთისა და სამხრეთ ოსეთის სოციალურ-ეკონომიკური განვითარების საკითხებით დაკავდება. ანდრეი ფურსენკო (პუტინის მთავრობაში განათლების მინისტრი) კი სოხუმისა და ცხინვალის სამეცნიერო ფონდებისა და გრანტების საკითხებს ჩაიბარებს. ორივე მათგანი რუსეთის ფედერაციის პრეზიდენტის თანაშემწეებად დაინიშნენ. ამის შესახებ ინფორმაცია გაავრცელა პუტინის პრესმდივანმა, დიმიტრი პესკოვმა.