ბათუმში თამარისის დასახლებაში ახალი კვარტალი 3 ათასი დევნილისთვის აშენდა. ყოფილი ნავთობგადამამუშავებელი ქარხნის ტერიტორიაზე 22 საცხოვრებელი კორპუსი 608 ოჯახისთვის მოეწყო. პროექტის ფარგლებში მიმდებარე ტერიტორიაზე დაიგო ასფალტის საფარი, ჩატარდა გაზიფიცირების სამუშაოები, დამონტაჟდა გარე განათება, მოეწყო წყალგაყვანილობა და კანალიზაცია, ტერიტორია გამწვანდა , აშენდა სპორტული მოედანი ბავშვებისათვის. ახალი საცხოვრებელი უბნის მშენებლობაზე 5 ათასამდე ადამიანმა იმუშავა. პროექტი საქართველოსა და ევროკავშირს შორის გაფორმებული ხელშეკრულების ფარგლებში , რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის კოორდინირებით განხორციელდა.
ბათუმი
ახალი უბანი ბათუმში დევნილებისთვის
