დაზვერვის სამსახური პრემიერის დაქვემდებარებიდან სუს-ის მმართველობაში გადადის

უშუალოდ პრემიერმინისტრის დაქვემდებარებაში მყოფი დაზვერვის სამსახური სახელმწიფო უსაფრთხოების სამსახურის მმართველობის სფეროში გადადის და ის სუს-ის საქვეუწყებო დაწესებულებად, ეროვნულ სადაზვერვო სააგენტოდ ჩამოყალიბდება. ამის შესახებ ინფორმაციას ინტერპრესნიუსი ავრცელებს.

შესაბამისი საკანონმდებლო ცვლილებათა პაკეტი ივანიშვილის პარლამენტის ბიუროს სხდომაზე დღეს, 19 მაისს დარეგისტრირდა.

IPN-ის ცნობით, ინიციატივით, ახლებურად წესრიგდება სააგენტოს საქმიანობასა და უფლებამოსილებებთან, სააგენტოს შემადგენლობასთან, ორგანიზებასა და სტრუქტურასთან, სააგენტოს მოსამსახურის სამსახურებრივ საქმიანობაში ჩარევის დაუშვებლობასთან, მის სამართლებრივი დაცვის გარანტიებსა და სააგენტოს დაფინანსებასთან დაკავშირებული საკითხები.