ირანში პორტზე მსხვილი აფეთქება მოხდა, რის შედეგადაც ის მნიშვნელოვნად დაზიანდა

ირანის სამხრეთით, ბენდერ-აბასში მდებარე შაჰიდ რაჯაის პორტზე მსხვილი აფეთქება მოხდა, რის შედეგადაც პორტი მნიშვნელოვნად დაზიანდა. 

ამის შესახებ ინფორმაციას ირანის საინფორმაციო სააგენტო, Tasnim ავრცელებს. 

Tasnim-ის თანახმად, მძლავრმა აფეთქებამ მიმდებარე ქალაქებში მიწისძვრა გამოიწვია და შემთხვევის ადგილიდან რამდენიმე კილომეტრში მდებარე შენობებში მინა დაამსხვრია. 

ჰორმოზაგანის პროვინციის კრიზისების მართვის უწყების ხელმძღვანელმა თქვა, რომ აფეთქების მიზეზები ჯერჯერობით ცნობილი არ არის.