საკანონმდებლო მაცნეზე გამოქვეყნდა ივანიშვილის პრეზიდენტის, მიხეილ ყაველაშვილის მიერ ხელმოწერილი "FARA"-ს კანონი. დოკუმენტი 2025 წლის 1-ელი აპრილით თარიღდება.
ქართულმა ოცნებამ კანონი მესამე მოსმენით, გუშინ 1-ელ აპრილს მიიღო.
დოკუმენტის მიხედვით, კანონი გამოქვეყნებიდან მე-60 დღეს ამოქმედდება.
FARA-ს მიზანში იღებს და საქმიანობას უზღუდავს სამოქალაქო საზოგადოებასა და მედიას. კანონის აღმასრულებელი ანტიკორუფციული ბიურო იქნება.
განსაზღვრულ მოთხოვნათა შეუსრულებლობის შემთხვევაში, კანონპროექტით "FARA"-ს გათვალისწინებულია ჯარიმა ან თავისუფლების აღკვეთა 5 წლამდე ვადით.
- გამოქვეყნდა "FARA"-ს კანონპროექტი, რომელიც აშშ-ს იურისდიქციასა და ინსტიტუტებს მიემართება
- მდინარაძე "FARA"-ს კანონზე: მხოლოდ ქართულ ენას მოერგება, სხვა არცერთი სიტყვა არ დაემატება
24 თებერვალს ივანიშვილის პარლამენტის ბიუროს სხდომაზე "FARA"-ს კანონპროექტი დაარეგისტრირეს. ის განსახილველად იურიდიულ საკითხთა კომიტეტს გადაეცა.
საკანონმდებლო ცვლილებების შესახებ განცხადება ივანიშვილის წარმომადგენელმა, მამუკა მდინარაძემ 5 თებერვალს გააკეთა.
