ჩინეთმა და ინდოეთმა რუსული ნავთობის შესყიდვა შეაჩერა. მიზეზი ტვირთის გადაზიდვის მაღალი საფასური გახდა. ინფორმაციას გამოცემა Reuters სავაჭრო კომპანიებზე დაყრდნობით ავრცელებს.
კომპანიების ცნობით, რუსული ნედლი ნავთობის, ESPO-ს ბარელი, რომლის ექსპორტი წყნარი ოკეანიდან ხდება, ICE Brent ნავთობთან შედარებით $3-5 დოლარით გაძვირდა.
გაძვირების მიზეზი გადაზიდვის მაღალი საფასური გახდა, მაგალითისთვის აფრამაქსის ტიპის რუსული ტანკერისთვის ჩინეთის მარშრუტი რამდენიმე მილიონი დოლარით გაძვირდა.
10 იანვარს აშშ-მ ყველაზე მსხვილი სანქციების პაკეტი მიიღო, რომელმაც შეზღუდვები რუსული ნავთობისა და გაზის ექსპორტზეა მიმართული. სანქციების ქვეშ მოყვა 4-დან 2 ყველაზე მსხვილი რუსული სანავთობო კომპანია – გაზპრომ ნეფტი და სურგუტნეფტგაზი. ასევე სანქციები შეეხო 180 რუსულ ტანკერს. სწორედ სანქციებმა გამოიწვია ის გაძვირება, რომლის გამოც ჩინეთს და ინდოეთს რუსული ნავთობის მიღებაზე უარის თქმა მოუწია.
