ჰამასის პოლიტბიუროს წევრი, მუსა აბუ მარზუკი მოსკოვში დაგეგმილი ვიზიტით იმყოფება. ინფორმაციას რუსული მედია ავრცელებს.
მედიაში არ არის დაკონკრეტებული, ვის შეხვდება ტერორისტული ორგანიზაციის წარმომადგენელი.
17 ოქტომბერს, ისრაელის თავდაცვის ძალებმა ჰამასის ლიდერი, იაჰია სინვარის მოკლეს.
ისრაელის თავდაცვის ძალებისა (IDF) და უსაფრთხოების სააგენტო Shin Bet-ის ცნობით, სინვარი ორ ტერორისტთან ერთად სამხრეთ ღაზაში, რაფაში შეიარაღებული შეტაკების დროს მოკლეს. სინვარი უშუალო სამიზნე არ ყოფილა და მისი ცხედარი ისრაელის ჯარისკაცებმა მხოლოდ მეორე დილას, ტერიტორიის შეთვალიერების დროს აღმოაჩინეს.
სინვარი 2023 წლის 7 ოქტომბერს ისრაელზე ჰამასის თავდასხმის ერთ-ერთ მთავარ შემოქმედად ითვლება. ტერორისტების თავდასხმას დაახლოებით 1200 ადამიანის სიცოცხლე ემსხვერპლა, ხოლო 250-ზე მეტი მძევლად აიყვანეს.
იაჰია სინვარი ჰამასის ტერორისტული ორგანიზაციის ლიდერი ისმაილ ჰანიეს მკვლელობის შემდეგ გახდა.
