აშშ-ს მთავრობამ რუსული ვირტუალური ფინანსური პლატფორმების PM2BTC, Cryptex და ცალკეული რუსეთის მოქალაქეების წინააღმდეგ კიბერდანაშაულებისა და ფულის გათეთრების გამო ახალი სანქციები დააწესა. ამასთან დაკავშირებით ოფიციალური განცხადება აშშ-ს სახაზინო დეპარტამენტმა 26 სექტემბერს გამოაქვეყნა.
"დღეს აშშ-ს ფინანსთა სამინისტრო, კოორდინირებული საერთაშორისო ძალების ფარგლებში, იღებს ზომებს, რათა ხელი შეუშალოს რუსეთის კიბერდანაშაულებრივი სერვისების მუშაობას". - წერია განცხადებაში.
კერძოდ, ფინანსური დანაშაულის აღსრულების ქსელი (FinCEN) აწესებს შეზღუდვებს რუსული ვირტუალური ვალუტის PM2BTC-ის წინააღმდეგ, რომელიც რუსეთში ფულის გათეთრებაში აქტიურადაა ჩართული. გარდა ამისა, საგარეო აქტივების კონტროლის ოფისი (OFAC) სანქციებს რუსეთის მოქალაქე სერგეი ივანოვის წინააღმდეგ აწესებს, რადგან ივანოვი მნიშვნელოვან როლს ასრულებს ფულის გათეთრების პროცესებში. სანქციები დაწესდება ასევე სენტ-ვინსენტსა და გრენადინების კუნძულებზე რეგისტრირებული ვირტუალური ვალუტის, Cryptex-ის წინააღმდეგ.
Ukrinform-ის ცნობით, გავრცელებული ინფორმაციით აშშ-ს სახელმწიფო დეპარტამენტმა ივანოვის დაკავებისა და გასამართლებისთვის საჭირო ინფორმაციის სანაცვლოდ 10 მილიონ დოლარამდე ჯილდო დააწესა.
გარდა ამისა, აშშ-ს საიდუმლო სამსახურმა და ვირჯინიის აღმოსავლეთ ოლქის აშშ-ის პროკურატურამ ოფიციალური ბრალდებები წაუყენეს ივანოვსა და კიდევ ერთი რუსს, ტიმურ შახმამეტოვს.
