88 წლის ასაკში კანადელი მსახიობი დონალდ საზერლენდი გარდაიცვალა. სიკვდილის ზუსტი მიზეზი უცნობია, მსახიობს ბოლო პერიოდში ჯანმრთელობის პრობლემები ჰქონდა.
პირველი როლი 1963 წელს შეასრულა. მაყურებელმა მსახიობი 1967 წელს გამოსული Dirty Dozen-ში შესრულებული პინკლის როლით გაიცნო. 1970-იანებში გამორჩეული მეორეხარისხოვანი როლები შეასრულა ფილმებში M*A*S*H და Kelly's Heroes.
შესრულებული აქვს როლები ფილმებში: Klute, Don't Look Now, The Day of Locust, Casanova, 1900, Animal House, Backdraft, JFK. ახალგაზრდა მაყურებელი მას The Hunger Games-ის ფრენჩაიზში პრეზიდენტ სნოუს როლით იცნობს.
სხვადასხვა წლებში მიღებული აქვს ორი ოქროს გლობუსი და სატელევიზიო პრემია ემი. გახსნილი აქვს ვარსკვლავები, როგორც ჰოლივუდის, ისე კანადის დიდების ხეივანში.
საზერლენდის შვილია სერიალ 24 Hours-ში მთავარი როლის შემსრულებელი კიფერ საზერლენდი.
