სამშენებლო კომპანია "X2 დეველოპმენტის" გენერალური დირექტორი, ვალერიან კირკიტაძე ქალ მომხმარებელზე, სოფია მეფარიშვილზე ფიზიკური ძალადობის ბრალდებით დააკავეს.
როგორც ტაბულას შინაგან საქმეთა სამინისტროში უთხრეს, საქმე მიმდინარეობს სისხლის სამართლის კოდექსის 126-ე მუხლით, რაც ძალადობას გულისხმობს.
8 აპრილს სოფია მეფარიშვილმა TikTok-ზე გაავრცელა ვიდეო, სადაც სავარაუდო ძალადობა იყო ასახული. ვიდეო ახლა სოციალურ ქსელში აღარ იძებნება და სავარაუდოდ, ძალადობის კადრების გამო, ის TikTok-მა დაბლოკა. როგორც მეფარიშვილი წერს, ვიდეოს აღსადგენად საჩივარი უკვე დაწერა.
მეფარიშვილი ახლა საავადმყოფოში იმყოფება და TikTok-ზე გამოქვეყნებულ ე.წ. სთორიში წერს, რომ კირკიტაძისთვის სასჯელის უმაღლეს ზომას ითხოვს.
"ვალერიანი თუ ფულით გამოვა, დაანონსდება აქციები! არანაირი დანდობა, უმაღლესი სასჯელი!" - წერს მეფარიშვილი.
