არასამთავრობო ორგანიზაცია მედიაომბუდსმენი პარლამენტს მოუწოდებს, შეწყვიტოს ჟურნალისტთა უფლებების დარღვევა.
"დღეს, 8 აპრილს, თბილისში, პარლამენტთან ჟურნალისტების საპროტესტო აქცია მიმდინარეობს. დღეს პარლამენტში არ შეუშვეს საშვის მქონე ჟურნალისტები. პარლამენტის ბიურო დღეს რუსულ კანონს განიხილავს
მედიაომბუდსმენი USAID მედია პროგრამის დახმარებით აგრძელებს მედიის დახმარებას - პარლამენტთან მყოფ ჟურნალისტებს ვთავაზობთ სამართლებრივ მხარდაჭერას" - წერია ორგანიზაციის განცხადებაში.
პარლამენტში, სადაც ბიუროზე რუსული კანონი დაარეგისტრირეს, მედიის წარმომადგენლების ნაწილს არ უშვებდნენ.
საკანონმდებლო ორგანოში შესვლის საშუალებას არ აძლევდნენ როგორც აკრედიტაციის მქონე ჟურნალისტებს, ასევე მათ, ვისაც შესაბამისი საშვი ჰქონდათ.
