ინდოეთის დედაქალაქში, ნიუ დელიში მდებარე საღებავების ქარხანაში აფეთქებას, სულ მცირე, 11 ადამიანი ემსხვერპლა, 4 კი დაშავდა.
ადგილობრივი სახანძრო სამსახურის ცნობით, მათ შესაბამისი შეტყობინება 17:25 საათზე მიიღეს და ცეცხლის ლიკვიდირება 4-საათიანი მუშაობის შემდეგ შეძლეს.
"მოხდა აფეთქება, რის შედეგადაც შენობა დაინგრა, მუშები ამ დრომდე ნანგრევების ქვეშ არიან. ხანძარი სწრაფად გავრცელდა მიმდებარე შენობებსა და მაღაზიებზე". - უთხრა სახანძრო სამსახურის ხელმძღვანელმა, ატულ გარგმა ჟურნალისტებს.
აფეთქების გამომწვევი ზუსტი მიზეზი ჯერჯერობით უცნობია. ადგილზე ამ დრომდე მიმდინარეობს სამძებრო-სამაშველო ოპერაცია.
