უკრაინულ მედიაში ვრცელდება დაუდასტურებელი ინფორმაცია შეიარაღებული ძალების გენერალური შტაბის სარდლის, ვალერი ზალუჟნის გადაყენების შესახებ.
გამოცემა Unian ყოფილ დეპუტატ ბორისლავ ბერიოზაზე (პარტია ბერიოზას ეკოპარტია) და რადას ორი წევრის, არტიომ დმიტრუკისა და ოლექსი გონჩარენკოს ნათქვამზე დაყრდნობით წერს, რომ ზალუჟნი თანამდებობიდან გაათავისუფლეს.
ჟურნალისტ რომან ციმბალიუკის ცნობით, ზალუჟნის ადგილს უკრაინის დაზვერვის მეთაური კირილო ბუდანოვი დაიკავებს.
გონჩარენკოს თქმით ზალუჟნის ერთ-ერთი ქვეყნის ელჩის თანამდებობა შესთავაზეს, რაზეც სამხედრომ უარი თქვა.
სოციალურ ქსელში ცნობილმა უკრაინელმა ჟურნალისტმა იური ბუტუსოვმა თქვა "რომ ზელენსკიმ ზალუჟნის გადადგომას ხელი უკვე მოაწერა".
