რაჭაში, შოვში, კიდევ ერთი ადამიანის ცხედარი იპოვეს – დაღუპულთა რაოდენობა 19-მდე გაიზარდა. ამის შესახებ ინფორმაცია საგანგებო სიტუაციების მართვის სამსახურის უფროსმა, თემურ მღებრიშვილმა გაავრცელა.
"მდინარის კალაპოტში ქალის ცხედარი ვიპოვეთ. ასევე, ნანახია ადამიანის ცალკეული ფრაგმენტი". - თქვა მღებრიშვილმა.
ამ დროისთვის, სტიქიის ზონაში 15-მდე ადამიანს ეძებენ.
რაჭაში, სასტუმრო სანსეტ შოვის მიმდებარედ მეწყერის შედეგად მიწის მასა 3 აგვისტოს, დაახლოებით, 16:00 საათზე ჩამოიშალა.
- მოქალაქე: შოვში ცოლი და 3 შვილი მყავს ჩარჩენილი, აღარ გამოდიან კონტაქტზე, რამე ქენით
- მოქალაქე: შვილთან და სამ შვილიშვილთან კონტაქტი არ მაქვს, არ ვიცი, ცოცხლები არიან თუ არა
ამ დროისთვის სტიქიის ზონაში ნაპოვნი 19 ცხედრიდან 14 იდენტიფიცირებულია.
