უკრაინაში ომის ფონზე აშშ-მ მოქალაქეებს რუსეთის დაუყოვნებლივ დატოვებისკენ მოუწოდა. მიზეზი რუსეთის სამართალდამცავების მხრიდან თვითნებური პატიმრობისა და შევიწროების მოსალოდნელი საფრთხეა.
"აშშ-ს მოქალაქეებმა, რომლებიც რუსეთში ცხოვრობენ ან მოგზაურობენ, უმჯობესია ქვეყანა დაუყოვნებლივ დატოვონ. უკანონოდ დაკავების რისკებიდან გამომდინარე, გთხოვთ განსაკუთრებული სიფრთხილე გამოიჩინოთ. არ იმოგზაუროთ რუსეთში. რუსეთის უშიშროების სამსახურის მიერ უსაფუძვლოდ, ან ყალბი ბრალდებით არაერთი აშშ-ს მოქალაქეა დაკავებული. ისინი მოკლებული არიან სამართლიან და გამჭვირვალე სასამართლოს". - ნათქვამია აშშ-ს საელჩოს ოფიციალურ განცხადებაში.
