ფინეთის თავდაცვის სამინისტრო რუსულ Mi-17-ის ტიპის ვერტმფრენს საჰაერო სივრცის დარღვევაში ადანაშაულებს.
სამინისტროს ცნობით, საჰაერო სივრცის სავარაუდო დარღვევა კესიალაჰტისა და პარიკკალას რეგიონში, ადგილობრივი დროით 10:40-ზე მოხდა. ფინეთის მხარის თქმით, ვერტმფრენი მათ სივრცეში 4-4.5 კილომეტრის მანძილზე შეფრინდა.
ფინეთის მესაზღვრეებმა მომხდართან დაკავშირებით გამოძიება დაიწყეს.
ფინეთის თავდაცვის სამინისტროს წარმომადგენლის თქმით, ეს წელს რუსეთის საჰაერო ძალების მიერ ფინეთის საჰაერო სივრცის მეორე დარღვევაა.
