მოგეხსენებათ, საგარეო პოლიტიკა არის ჩვენი ქვეყნის ერთ-ერთი მთავარი მიმართულება, რომელიც მნიშვნელოვანწილად განსაზღვრავს ქვეყნის ბედს, ყოველდღიურობასა და მომავალს. წელს მე დიპლომატიურ სამსახურში 30 წელი შემისრულდა და ვფიქრობ, რომ ჩემი საქმიანობით მნიშვნელოვანი წვლილი შევიტანე საქართველოს სახელწიფოებრიობის დამკვიდრებასა და საერთაშორისო ასპარეზზე ჩვენი ქვეყნის პოზიციონირებაში. თამამად შემიძლია იმის თქმა, რომ ჩვენ ჩვენი პოზიციები ძალიან მკაფიოდ დავიცავით ყველა საერთაშორისო ფორმატში და ყველა პლატფორმაზე საქართველოს ეკავა მოწინავე პოზიციები. მინდა, კიდევ ერთხელ მადლობა გადაგიხადოთ იმ ნდობისთვის, რაც გამომიცხადეთ ახალ პოზიციაზე. ჩვენს მთავარ სტრატეგიულ პარტნიორ ქვეყანაში, აშშ-ში წარმოადგენდე საქართველოს, ეს უდიდესი პასუხისმგებლობაა და მე პირობას გაძლევთ, რომ ახალ პოზიციაზე საქმიანობას კიდევ უფრო მეტი პასუხისმგებლობით გავაგრძელებ და ჩემი ელჩობის პერიოდში ჩვენი აშშ-სთან თანამშრომლობა თვისობრივად კიდევ უფრო მაღალ ნიშნულზე ავა.
საქართველოს მთავრობა
ზალკალიანი: ჩემი ელჩობის პერიოდში აშშ-სთან თანამშრომლობა კიდევ უფრო მაღალ ნიშნულზე ავა
