ქართული ოცნების წევრი მამუკა მდინარაძე ბოდიშს იხდის ექსპრეზიდენტ მიხეილ სააკაშვილზე არასწორი ინფორმაციის გავრცელებისთვის.
"თქვენ გგონიათ ბოდიშის მოხდა გამიჭირდება? ჩემთვის პირველი იყო ასეთი ცოტა უხერხული სიტუაცია, საღამოს აღმოჩნდა [...] სხვადასხვა გარემოდან გამომდინარეობდა. ახლავე შემიძლია ბოდიში მოვიხადო გუშინდელი უხერხულობისათვის, მაგრამ ერთია, რომ, რაც არ უნდა პირადი ემოციები ყოფილიყო, ყველა დარწმუნდა, რომ ოპერაცია იყო წარმატებული". - თქვა მამუკა მდინარაძემ.
2 ოქტომბერს, მიხეილ სააკაშვილი თბილისში დააკავეს. იქამდე ქართული ოცნების წევრები ამტკიცებდნენ, რომ სააკაშვილის მიერ გავრცელებული ვიდეო იყო ყალბი. გარდა ამისა, შსს-მ გაავრცელა განცხადება, სადაც წერდა, რომ მიხეილ სააკაშვილს საქართველოს საზღვარი არ გადმოუკვეთავს.
1 ოქტომბერს დილით საქართველოს მესამე პრეზიდენტმა, მიხეილ სააკაშვილმა დაწერა, რომ ის საქართველოში იმყოფება. მოგვიანებით მან ზედიზედ ორი სელფი ვიდეო გამოაქვეყნა, სადაც ამბობს, რომ ბათუმშია.
