შინაგან საქმეთა მინისტრის მოადგილე, ალექსანდრე დარახველიძე ამბობს, რომ ტელეკომპანია პირველის გარდაცვლილი ოპერატორის, ლექსო ლაშქარავას საქმეში ნარკოტიკების უკანონოდ შეძენა-შენახვის საკითხი ცალკე გამოიყო.
"ლექსო ლაშქარავას საქმის გამოძიების ფარგლებში, ცალკე წარმოებად გამოიყო ნარკოტიკების უკანონოდ შეძენა-შენახვის საკითხი. ამ მიმართულებით მიმდინარეობს გამოძიება, ხდება შესაბამისი ყველა რელევანტური მტკიცებულების მოპოვება და საზოგადოებას უახლოეს მომავალში ვაცნობებთ კონკრეტულ შედეგებს ამ საქმესთან მიმართებით". – ამბობს ის იმედთან ინტერვიუში.
დარახველიძე არ უარყოფს და არც ადასტურებს, დაკავშირებულია თუ არა ლაშქარავას საქმესთან შსს-ს მიერ გავრცელებული განცხადება ფონიჭალასა და თბილისის რაიონებში ნარკორეალიზატორების დაკავებასთან დაკავშირებით.
TV პირველის ოპერატორი, ლექსო ლაშქარავა, რომელიც 5 ივლისს ორკებმა სასტიკად სცემეს, 11 ივლისს, დედამ გარდაცვლილი იპოვა. ლაშქარავას ექსპერტიზა უტარდება. შსს-მ გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს. უწყება ამტკიცებს, რომ ლაშქარავას გვამიდან აღებულ ნიმუშებში ნარკოტიკი აღმოჩნდა და, შესაძლოა, ყოფილიყო ზედოზირება.
- აშშ-ს ყოფილი ელჩები: ზედოზირების ბრალდებას ავტოკრატიული მთავრობები იყენებენ
- კალოიანი ლაშქარავაზე: ადრეულ ეტაპზე ამ ინფორმაციით პროფესიულ მსჯელობაში შესვლა სპეკულაციაა
- "ნახევარ დღეში 3-ჯერ ზედოზირების ვერსია სამედიცინო აბსურდია" – გეგეჭკორი ლაშქარავაზე
TV პირველის გადამღებ ჯგუფზე ძალადობის ფაქტზე შინაგან საქმეთა სამინისტროს ხუთი ორკი ჰყავს დაკავებული. ჟურნალისტ მირანდა ბაღათურიას თქმით, მათ ოცამდე მოძალადე სცემდა.
