თურნავა ნამახვანჰესის პროტესტზე: რაღაც განსაკუთრებული პროცესი არ არის

როდესაც საუბარია ასეთი მასშტაბის ჰიდროელექტროსადგურზე, ეს ნებისმიერ ქვეყანაში ხდება ხოლმე გარკვეული განმარტებების რეჟიმში, სხვაგანაც, სხვა ქვეყნებშიც გამოუწვევია პროტესტები მსხვილ ჰიდროელექტროსადგურებს, აქედან გამომდინარე, რაღაც განსაკუთრებული პროცესი ეს არ არის, მაგრამ ჩვენ, ხელისუფლება, ვალდებულები ვართ, რომ ასეთ დროს ყველა კითხვას გავცეთ პასუხი, თუმცა, როდესაც საუბარია ეკოლოგიაზე, უსაფრთხოებაზე, პროექტის დეტალებზე, ეს პასუხები უნდა გაიცეს კომპეტენტურად, ექსპერტების დახმარებით, არა ქუჩაში, არა კარვებში, არა მეგაფონის მოშველიებით, ეს არ არის სწორი იმისთვის, რომ მოსახლეობამ გაიგოს სიმართლე პროექტის შესახებ, რადგან ძალიან ბევრი არასწორი ინფორმაცია ცირკულირებს და მითი. ჩვენ ვცდილობთ ამ მითების გაქარწყლებას.