ეგვიპტე

ეგვიპტეში ფარაონების მუმიები კაიროს ქუჩებში გაატარეს [VIDEO/PHOTO]

3 აპრილს ეგვიპტეში თვრამეტი ფარაონის და ოთხი დედოფლის მუმია ეგვიპტის მზეუმიდან ეგვიპტის ცივილიზაციის ეროვნულ მუზეუმში გადაიტანეს და ამგვარად ეგვიპტის ისტორიის აღსანიშნავად ქალაქში ღონისძიება მოაწყვეს.

მუზეუმებს შორის მანძილი 5 კილომეტრია.

ეგვიპტის ტურიზმისა და სიძველეთა მინისტრის ორგანიზებულ "ფარაონის ოქროს აღლუმში" რამზეს დიდის, ჰატშეფსუტის, სეთი I-ს, თუტმოს III-ის და 18 სხვა მუმიები კაიროს ქუჩებში ჩამოატარეს.

"ეს დიდებული სანახაობა [ეგვიპტელი] ხალხის სიდიადის ახალი მტკიცებულებაა, რომელიც ამ უნიკალური ცივილიზაციის მცველია". - წერს ეგვიპტის პრეზიდენტი, აბდელ-ფატაჰ ელ-სისი.

მუმიები სპეციალურად გაფორმებული ავტომობილებით გადაიყვანეს, რომლებსაც ეგვიპტური იეროგლიფებით და არაბულად ამა თუ იმ ფარაონის თუ დედოფლის სახელი ეწერა. ღონისძიებაზე 17 სამეფო საკროფაგიც გადაიტანეს. 

22-ვე მუმია ახალი ეგვიპტური სამეფოს პერიოდიდან არის. ეს მუმიები მე-19 საუკუნეში აღმოაჩინეს.

 

კომენტარები