ერთიანი ნაციონალური მოძრაობის ოფისში დღეს სპეცრაზმი შეიჭრა, პარტიის ლიდერის, ნიკა მელიას დაკავების მოტივით. სპეცოპერაციის ჩატარებისას ენმ-ის ოფისში მელიას მხარდამჭერები და სხვა ოპოზიციური პარტიების წარმომადგენლები იმყოფებოდნენ.
30-წუთიანი ულტიმატუმის ამოწურვის შემდეგ სპეცრაზმი ნაციონალური მოძრაობის ოფისში შეიჭრა და პარტიის ლიდერის დაკავების პარალელურად, შენობაში შეკრებილი ხალხის წინააღმდეგ ე.წ. წიწაკის სპრეი გამოიყენა. პარტიის ოფისში შეკრებილი ხალხისა და ოპოზიციის ლიდერების ცნობით, ოფისში გაუშვეს გაზიც. შენობიდან წაღებულია სერვერები და არქივი.
ნახეთ, როგორ გამოიყურება ენმ-ის ოფისი დარბევის შემდეგ;
მას შემდეგ, რაც პარლამენტმა ირაკლი ღარიბაშვილის მთავრობა დაამტკიცა, ენმ-ს ოფისში შეკრებილი ოპოზიციური ლიდერები და მედია მთელი ღამის განმავლობაში ელოდნენ, როდის მივიდოდნენ სამართალდამცველები ოპოზიციური პარტიის ოფისში.
16 თებერვალს, პროკურატურის მიმართვის შემდეგ, საქართველოს პარლამენტმა ნიკა მელიას დეპუტატის იმუნიტეტი მოუხსნა. საქალაქო სასამართლოს 17 თებერვლის გადაწყვეტილებით, ნიკა მელიას აღკვეთის ღონისძიების სახით პატიმრობა შეეფარდა, რის შემდეგაც, ენმ-ს ოფისში ოპოზიციური პარტიების ლიდერები არიან შეკრებილები. ისინი ამბობენ, რომ არ გაატანენ ნიკა მელიას პოლიციას და მას ფიზიკურად დაიცავენ.
გახარიას გადადგომის შემდეგ განცხადება გამოაქვეყნა შინაგან საქმეთა სამინისტრომ. უწყების ცნობით, პრემიერმინისტრის მიერ მიღებული გადაწყვეტილების გამო მელიას დაკავება გადადეს.
16 თებერვალს, პროკურატურის მიმართვის შემდეგ, საქართველოს პარლამენტმა ნიკა მელიას დეპუტატის იმუნიტეტი მოუხსნა. საქალაქო სასამართლოს 17 თებერვლის გადაწყვეტილებით, ნიკა მელიას აღკვეთის ღონისძიების სახით პატიმრობა შეეფარდა, რის შემდეგაც, ენმ-ს ოფისში ოპოზიციური პარტიების ლიდერები არიან შეკრებილები. ისინი ამბობენ, რომ არ გაატანენ ნიკა მელიას პოლიციას და მას ფიზიკურად დაიცავენ.
გახარიას გადადგომის შემდეგ განცხადება გამოაქვეყნა შინაგან საქმეთა სამინისტრომ. უწყების ცნობით, პრემიერმინისტრის მიერ მიღებული გადაწყვეტილების გამო მელიას დაკავება გადადეს.