ვატიკანში უსახლკარო ადამიანებს კორონავირუსის საწინააღმდეგო უფასო ვაქცინაციას სთავაზობენ. ვაქცინაცია პავლე VI-ის ატრიუმში ტარდება, რომელიც პანდემიის გამო მეტწილად გამოუყენებელია.
როგორც ცნობილია, 25-მდე უსახლკაროს უკვე ჩაუტარდა ვაქცინაცია და უახლოეს დღეებში მათი რიცხვი გაიზრდება.
კორონავირუსის ვაქცინის პირველი დოზა უკვე გაუკეთეს პაპ ფრანცისკესა და მის წინამორბედს, ბენედიქტსაც. პაპი ფრანცისკე 84 წლისაა, ხოლო მისი წინამორბედი – 93 წლის. ასაკის გამო ორივე რისკჯგუფშია.
ვატიკანის ვაქცინაციის პროგრამა 13 იანვარს დაიწყო.