ისრაელის პრემიერმინისტრის ოფისის ცნობით, პირველი მარტიდან ისრაელში შესვლას არავაქცინირებული ტურისტებიც შეძლებენ. თუმცა ტურისტებს ისევ მოეთხოვებათ ორი PCR ტესტის გაკეთება - ერთი ქვეყნის დატოვებამდე, მეორე კი ისრაელში ჩასვლისას.
"ჩვენ ვხედავთ ინფიცირებულთა რიცხვის შემცირებას, შესაბამისად, დროა, რომ თანდათან გავხსნათ მსოფლიო". - აღნიშნა პრემიერმინისტრმა, ნაფთალი ბენეტიმ.
ისრაელმა უცხოელებისთვის საზღვრები პირველად 2020 წლის მარტში დაკეტა. ვიზიტორთა რიცხვი თანდათან მას შემდეგ გაიზარდა, რაც ისრაელმა შეზღუდვების ნაწილი მოხსნა. გასულ თვეს ისრაელში 46 000 ტურისტი შევიდა, 2021 წლის იმავე თვეს 7 800, ხოლო 2020 წლის იანვარში კი 333 000.
