ოკუპირებულ აფხაზეთში კორონავირუსით ინფიცირების 69 ახალი შემთხვევა დადასტურდა, გარდაიცვალა კიდევ ერთი პაციენტი. ინფორმაციას ე.წ. ჯანდაცვის სამინისტრო ავრცელებს.
მათივე ცნობით, გარდაცვლილი 60 წლის ქალია, ის რეანიმაციაში იყო მოთავსებული. პაციენტი საავადმყოფოში 1-ელ ოქტომბერს შეიყვანეს.
ე.წ. ჯანდაცვის სამინისტროს ინფორმაციით, ბოლო 24 საათში კორონავირუსზე 209 ტესტი ჩატარდა.
ოკუპირებულ აფხაზეთში კორონავირუსით ინფიცირების 1 659 შემთხვევაა დადასტურებული, მათგან 602 გამოჯანმრთელდა, 13 კი გარდაიცვალა.
