რუსეთის საგარეო საქმეთა სამინისტრომ მოსკოვში ავსტრიის ელჩს საჩივარი გაუგზავნა, რომელშიც ნათქვამია, რომ ავსტრიიდან რუსი დიპლომატის გაძევების სანაცვლოდ, ნაცვალგების პრინციპით, ავსტრიელ დიპლომატს პერსონა ნონ გრატად აცხადებენ.
ავსტრიამ 24 აგვისტოს რუსი დესპანი დიპლომატის პრივილეგიებისა და იმუნიტეტზე ვენის კონვენციის დარღვევისთვის გააძევა. ეს პირველი შემთხვევა იყო, როდესაც ავსტრიამ რუსი დიპლომატი პერსონა ნონ გრატად გამოაცხადა.
ავსტრიული ტაბლოიდის მიხედვით, საქმე ეხება ეკონომიკური შპიონაჟის საქმეს. Kronen Zeitung-ი წერს, რომ წლების განმავლობაში რუსეთი ავსტრიის მაღალტექნოლოგიურ კომპანიაში შპიონაჟში იყო ჩართული კომპანიაში დასაქმებული ავსტრიელის დახმარებით. ავსტრიელმა გაზეთს დაუსახელა მისი რუსი ხელმძღვანელი. გაზეთი კომპანიას არ ასახელებს.
გაძევებული ავსტრიელი და რუსი დიპლომატების ვინაობა უცნობია.
