აშშ-ში კორონავირუსით ერთ დღეში 1 736 ადამიანი გარდაიცვალა. ეს ქვეყანაში ერთ დღეში COVID-19-ით გარდაცვლილთა ყველაზე დიდი რაოდენობაა.
ჯონ ჰოპკინსის უნივერსიტეტის ინფორმაციით, აშშ-ში COVID-19-ით ჯამში 12 722 ადამიანი გარდაიცვალა.
ნიუ-იორკში გარდაცვალების ყველაზე მეტი - 731 შემთხვევა დადასტურდა. ჯამში, ქვეყანაში ვირუსით ინფიცირების 400 540 შემთხვევაა დადასტურებული. ეს მსოფლიოში ქვეყანაში ინფიცირების ყველაზე დიდი რაოდენობაა.
მსოფლიოში კორონავირუსით 1 431 973 ადამიანი დაინფიცირდა. გამოჯანმრთელდა 302 209, გარდაიცვალა 82 096 ადამიანი.
კორონავირუსთან დაკავშირებით, აშშ-ში საგანგებო მდგომარეობაა გამოცხადებული.
