პარლამენტთან სპეცრაზმი გამოჩნდა

პარლამენტთან მიმდინარე აქციაზე სპეცრაზმი გამოჩნდა.

 

დღევანდელ აქციაზე გამომსვლელები ხაზგასმით აცხადებენ, რომ მათი პროტესტი მშვიდობიანია. ტრიბუნასთან სიტყვით სამოქალაქო აქტივისტები, სტუდენტები და მოსწავლეები გამოდიან. ისინი სკანდირებენ - "რუსეთი ოკუპანტია", "ჩვენ ვართ დამოუკიდებლები".

აქციაზე შს მინისტრის გადადგომას და საარჩევნო სისტემის შეცვლას ითხოვენ. ასევე, იმ პოლიციელების დასჯას, ვინც 20 ივნისის აქციის დარბევისას ძალას გადაამეტეს. გუშინდელი აქციის დარბევისას 160 ადამიანი დაშავდა, ორმა მათგანმა თვალი დაკარგა, სამი - მართვით სუნთქვაზეა. დააკავეს აქციის 305 მონაწილე.