2018 წლის პირველ ნახევარში უცხოეთიდან საქართველოში გზავნილების სახით შემოსული ფულის მოცულობა გაიზარდა. იანვარ-ივნისში ქვეყანაში სულ $744 მილიონის გზავნილები შემოვიდა, ეს 2017 წელთან შედარებით 19%-ით მეტია. სწორედ გზავნილების ზრდა არის ერთ-ერთი მიზეზი, რის გამოც საქართველოში ეკონომიკური ზრდა საგრძნობლად მაღალია, უცხოეთიდან გამოგზავნილმა ფულმა ადგილობრივი მოთხოვნის ზრდას შეუწყო ხელი.
ფულად გზავნილებში პირველ ადგილზე რუსეთის ფედერაციაა, საიდანაც $214 მილიონი შემოვიდა, ეს წინა წელთან შედარებით 3%-ით მეტია. ამ თანხის უმთავრესი წყარო საქართველოდან უცხოეთში ემიგრირებული ქართველი მოსახლეობის მიერ გამოგზავნილი თანხებია, შესაბამისად, გზავნილების რეიტინგში ის ქვეყნები ლიდერობენ, სადაც მეტი ემიგრანტი ცხოვრობს.
10 ქვეყანა, საიდანაც ყველაზე მეტი გზავნილი შემოდის
- რუსეთის ფედერაცია - $214 მილიონი, ზრდა 3%
- იტალია - $89 მილიონი, ზრდა 39%
- საბერძნეთი - $81 მილიონი, ზრდა 25%
- ისრაელი - $74 მილიონი, ზრდა 44%
- აშშ - $72 მილიონი, ზრდა 9%
- თურქეთი - $58 მილიონი, ზრდა 13%
- გერმანია - $19.7 მილიონი, ზრდა 31%
- ესპანეთი - $19.4 მილიონი, ზრდა 19%
- უკრაინა - $13.4 მილიონი, ზრდა 13%
- აზერბაიჯანი - $9.1 მილიონი, ზრდა 19%
