საქართველოს ეროვნული ბანკის მონაცემებით, 2026 წლის იანვარში ქვეყანაში შემოსული ფულადი გზავნილების ნაკადების მოცულობამ 282.64 მილიონი აშშ დოლარი (761.9 მილიონი ლარი) შეადგინა, რაც 16.6%-ით (40.2 მილიონი აშშ დოლარი) მეტია 2025 წლის იანვრის ანალოგიურ მაჩვენებელზე.
ყველაზე მეტი (ჯამური ჩარიცხვების 18.82%) ფულადი გზავნილი იტალიიდან შემოვიდა - 53.18 მილიონი დოლარი, რაც 15.21%-ით მეტია 2025 წლის იანვართან შედარებით. მეორე ადგილზეა ამერიკის შეერთებული შტატები (18.41%), საიდანაც გასულ თვეში 52.04 მილიონი დოლარი გადმოირიცხა - ეს წინა წელთან შედარებით 10%-იანი მატებაა.
მესამე ადგილზეა რუსეთი (11.86%) 33.51 მილიონი აშშ დოლარით, რაც 2025 წლის იანვართან შედარებით 31.61%-იანი მატებაა.
ქვეყნები, საიდანაც გასულ თვეს საქართველოში ყველაზე მეტი თანხა გადმოირიცხა:
- იტალია - $53.18 მილიონი.
- აშშ - $52.04 მილიონი.
- რუსეთის ფედერაცია - $33.51 მილიონი.
- ისრაელი - $24.66 მილიონი.
- გერმანია - $24.11 მილიონი.
- საბერძნეთი - $22.4 მილიონი.
- თურქეთი - $9.53 მილიონი.
- ესპანეთი - $7.4 მილიონი.
- საფრანგეთი - $5.34 მილიონი.
- ყაზახეთი - $5.21 მილიონი.
- გაერთიანებული სამეფო - $4.91 მილიონი.
- ირლანდია - $4.22 მილიონი.
- ყირგიზეთი - $4.07 მილიონი.
- აზერბაიჯანი - $3.1 მილიონი.
- პოლონეთი - $2.49 მილიონი
სებ-ის ცნობითვე, 2026 წლის იანვარში საქართველოდან საზღვარგარეთ 31.2 მილიონი აშშ დოლარი (84 მილიონი ლარი) გადაიგზავნა, რაც წინა წლის ანალოგიურ მაჩვენებელთან შედარებით 10.2%-ით მეტია.
