საქართველოს ეროვნული ბანკის მონაცემებით, 2026 წლის თებერვალში ქვეყანაში შემოსული ფულადი გზავნილების ნაკადების მოცულობამ 295.32 მილიონი აშშ დოლარი (792 მილიონი ლარი) შეადგინა, რაც 17.1%-ით (43 მილიონი აშშ დოლარი) მეტია 2025 წლის თებერვლის ანალოგიურ მაჩვენებელზე.
ყველაზე მეტი (ჯამური ჩარიცხვების 18.4%) ფულადი გზავნილი ამერიკის შეერთებული შტატებიდან შემოვიდა - 54.34 მილიონი დოლარი, რაც 14.79%-ით მეტია 2025 წლის თებერვალთან შედარებით. მეორე ადგილზეა იტალია (17.89%), საიდანაც გასულ თვეში 52.85 მილიონი დოლარი გადმოირიცხა - ეს წინა წელთან შედარებით 19.07%-იანი მატებაა.
მესამე ადგილზეა რუსეთი (12.2%) 36.02 მილიონი აშშ დოლარით, რაც 2025 წლის თებერვალთან შედარებით 18.78%-იანი მატებაა.
ქვეყნები, საიდანაც გასულ თვეს საქართველოში ყველაზე მეტი თანხა გადმოირიცხა:
- აშშ - $54.34 მილიონი.
- იტალია - $52.85 მილიონი.
- რუსეთის ფედერაცია - $36.02 მილიონი.
- ისრაელი - $25.36 მილიონი.
- გერმანია - $24.39 მილიონი.
- საბერძნეთი - $23.73 მილიონი.
- თურქეთი - $10.85 მილიონი.
- ესპანეთი - $7.77 მილიონი.
- საფრანგეთი - $5.89 მილიონი.
- ყაზახეთი - $5.86 მილიონი.
- ირლანდია - $5.08 მილიონი.
- გაერთიანებული სამეფო - $4.85 მილიონი.
- ყირგიზეთი - $4.85 მილიონი.
- აზერბაიჯანი - $3.16 მილიონი.
- პოლონეთი - $2.68 მილიონი
სებ-ის ცნობითვე, 2026 წლის თებერვალში საქართველოდან საზღვარგარეთ 33 მილიონი აშშ დოლარი (88.4 მილიონი ლარი) გადაიგზავნა, რაც წინა წლის ანალოგიურ მაჩვენებელთან შედარებით 14.8%-ით მეტია.
