ავღანეთისა და პაკისტანის საზღვარზე, აშშ-ს ავიაციის დარტყმის შედეგად მოკლულია, რადიკალური მოძრაობა თალიბანის ლიდერი მულა ფაზლულა.
ავღანეთის თავდაცვის სამინისტროს ინფორმაციით, აშშ-ის უპილოტო საფრენმა აპარატმა ავიადარტყმები კუნარის პროვინციაში განახორციელა. საჰაერო იერიშის შედეგად, ლიკვიდირებულია კიდევ ორი ამბოხებული. ავღანეთში აშშ-ის შეიარაღებული ძალების პრესსამსახურში აცხადებენ, რომ სასაზღვრო ზონაში კონტრ-ტერორისტული ოპერაცია ჩატარდა.
აღსანიშნავია, რომ მიმდინარე წლის მარტში აშშ-ს სახელმწიფო დეპარტამენტმა მოძრაობა "თეჰრიკ-ე თალიბან პაკისტანის" 3 ტერორისტის შესახებ ინფორმაციის სანაცვლოდ 11 მილიონი დოლარის ოდენობის ჯილდო დააწესა, მათ შორის 5 მილიონი დოლარი პირადად მულა ფაზლულას დაკავებისთვის სასარგებლო ინფორმაციის სანაცვლოდ.