კუბას ყოფილი ლიდერის, ფიდელ კასტროს 68 წლის შვილმა ჰავანაში თავი მოიკლა.
ამის შესახებ ინფორმაციას სახელმწიფო მედია ავრცელებს.
გავრცელებული ცნობით ფიდელ ანხელ კასტრო დიაზ-ბალარტი დეპრესიისაგან იტანჯებოდა. ის უკანასკნელ თვეებში მკურნალობის კურსს გადიოდა.
"ფიდელიტო" ბირთვული ფიზიკოსი იყო და განათლება საბჭოთა კავშირში ჰქონდა მიღებული. ის კუნძულის ბირთვულ პროგრამას 1980-1992 წლებში ხელმძღვანელობდა.
კასტრო დიაზ-ბალარტი ფიდელ კასტროს და მირტა დიაზ-ბალარტის ხანმოკლე ქორქინებისას დაიბადა. მირტა ცნობილი რევოლუციამდელი პოლიტიკოსის ქალიშვილი იყო. მისი ოჯახი ახლა ფლორიდაში ცხოვრობს და კასტროს რეჟიმის მოწინააღმდეგეა. ფიდელიტოს ბიძაშვილი მარიო დიაზ-ბალარტი აშშ-ის კონგრესმენია. შეგახსენებთ, რომ ფიდელ კასტრო 2016 წელს 90 წლის ასაკში გარდაიცვალა.