მექსიკაში, იუკატანის ნახევარკუნძულზე, ტურისტული ავტობუსი გზიდან გადავარდა, რასაც 12 ადამიანის სიცოცხლე ემსხვერპლა, მათ შორის ერთი ბავშვის. დაშავებულია 18 ადამიანი.
ავტობუსში სულ 31 ადამიანი იმყოფებოდა, მათ შორის ტურისტები აშშ-დან, იტალიიდან, ბრაზილიიდან და შვედეთიდან. ტურისტები მაიას ცივილიზაციის ძეგლების მოსანახულებლად მიდიოდნენ.
ავარიის მიზეზი ჯერ-ჯერობით უცნობია.