საფრანგეთის ქალაქ მარსელში, საპრეზიდენტო არჩევნებამდე რამდენიმე დღით ადრე, ტერაქტის მომზადებაში ეჭვმიტანილი ორი პირი დააკავეს.
ინფორმაციას ქვეყნის შინაგან საქმეთს სამინისტროც ადასტურებს.
"დღეს დილით, 11:00 საათზე, შიდა უსაფრთხოების გენერალური სამმართველოს (DGSI) თანამშრომლებმა ქალაქ მარსელში ორი პირი დააკავეს, რომელიც ტერაქტის განხორციელების მომზადებაში არიან ეჭვმიტანილნი. დაკავებულები საფრანგეთის მოქალაქეები არიან" - აღნიშნა შს მინისტრმა მატიას ფეკლიმ.
ფეკლის თქმით, ყველაფერი კეთდება იმისთვის, რომ საპრეზიდენტო არჩევნები უსაფრთხოდ ჩატარდეს.
საფრანგეთის საპრეზიდენტო არჩევნების პირველი ტური 23 აპრილს, მეორე ტური კი 7 მაისს გაიმართება.