უგულავა: კაბელების საქმეზეც ხალხი უსამართლო მუხლითაა დაჭერილი

იმთავითვე, ჩემ მიმართ წაყენებული მუხლი, 182-ე მუხლი, იყო პროპაგანდისტული მუხლი, ეს არის მუხლი რომელიც ითვალისწინებს საბიუჯეტო თანხების მითვისება-გაფლანგვას, აი, რომ წარმოვიდგონოთ, იმიტომ იყო ეს პროპაგანდისტული, რომ ეს ჟღერს შემაშინებლად და ამითი ხდებოდა ჩემი რეპუტაციის შებღალვა, მეტი ამას არანაირი მიზანი არ ჰქონდა. ჩვენ ეს მუხლი თავის დროზე გავასაჩივრეთ საკონსტიტუციო სასამართლოში და საკონსტიტუციო სასამართლოში რა მოხდა? პირველ რიგში რუსთავი 2-ის გამო და მეორე რიგში ჩემ გამო, ჩვენ ძალიან კარგად ვნახეთ. არადა, ეს 182-ე მუხლი გამოიყენება სწორედ პოლიტიკური დევნისთვის. აი, ის საწყალი ხალხი, კაბელებზე რომ არიან დაჭერილები, ისინიც 182-ე მუხლით არიან პატიმრობაში. ეს არის არასწორი, ეს არის უსამართლო და რა თქმა უნდა მე მიხარია, რომ ეს მუხლი, რომელსაც წმიდა პროპაგანდისტული ხასიათი ჰქონდა, ჩამომშორდა