კობახიძე: ვითანამშრომლებთ ახალ თავმჯდომარესთან ჩვენი კომპეტენციის ფარგლებში

ჩვენ არ ვერევით სასამართლოს საქმიანობაში, სასამართლოს პრეროგატივაა თავმჯდომარის არჩევა, ჩვენ ჩვენი კომპეტენციის ფარგლებში ვითანამშრომლებთ სასამართლოს და საკონსტიტუციო სასამართლოს ახალ თავმჯდომარესთან. ეს არის ერთადერთი, რაც შეგვიძლია ვთქვა. ზოგადად არასწორია ასეთი შეფასებების გაკეთება, მაშინ დაასახელონ ამ ადამიანებმა, ვისი არჩევის შემთხვევაში წავიდოდა სხვანაირად პროცესები, ეს არის საფუძველს მოკლებული განცხადებები. ჩვენ არ გვაინტერესებს, ვის როგორ აირჩევს სასამართლო, ეს არის მისი პრეროგატივა, ჩვენ ვითანამშრომლებთ ამ ორგანოსთან და ვითანამშრომლებთ ახალ თავმჯდომარესთან ჩვენი კომპეტენციის ფარგლებში.