ბატონი ივანიშვილი, როდესაც ამდენ დროს უთმობს რესპუბლიკურ პარტიას და ძალიან აღელვებული ცდილობს, ისაუბროს იმაზე, რომ ჩვენ ვტყუით, ეს მეტყველებს იმაზე, რომ ჩვენ ნამდვილად სიმართლეს ვლაპარაკობთ, იმიტომ, რომ ის ასეთ მდგომარეობაში არ ჩავარდებოდა ამ დეტალების გახმაურებისგან. ჩვენ კი არ ვჭორაობთ, ჩვენ ვლაპარაკობდით ღიად ყველა პრობლემაზე... როდესაც უსამართლოდ გვირტყამენ, ჩვენ ბევრ ინფორმაციას გავახმოვანებთ და ვილაპარაკებთ საჯაროდ, ეს კი, ძალიან უხერხულ მდგომარეობაში ჩააგდებს ბიძინა ივანიშვილს და მის გუნდს... იცით, როგორ მიიღება გადაწყვეტილებები იმ გუნდში, რესპუბლიკური პარტიისგან განსხვავებით? რასაც იტყვის ბიძინა ივანიშვილი, იმას აკეთებენ და ისინი არასდროს არაფრის საქმის კურსში არ არიან იმიტომ, რომ მოლაპარაკებებს უშუალოდ ბიძინა ივანიშვილი აწარმოებდა ყოველთვის, ისინი ერთპიროვნულ მმართველს ემორჩილებიან, როგორც ფეოდალს, განსხვავება არსებითია და, რთქმა უნდა, ორგანულად მიუღებელნი გავხდით მათთვის.
რესპუბლიკური პარტია
კორძაია: ქართულ ოცნებაში ერთპიროვნულ მმართველს ემორჩილებიან, როგორც ფეოდალს
