განათლების მინისტრის მოადგილის გია შარვაშიძისა და თბილისის სახელმწიფო უნივერსიტეტის რექტორის ლადო პაპავას შეხვედრა სტუდენტურ თვითმმართველობებთან უშედეგოდ დასრულდა. შეხვედრა წუხელ, ღამის 3 საათამდე მიმდინარეობდა.
თვითმმართველობის წარმომადგენლებმა აქციის შეწყვეტაზე და უნივერსიტეტის შენობის დატოვებაზე უარი განაცხადეს, სანამ მათი რექტორი არ გადადგება.
"თუ წავა რექტორი თანამდებობიდან, ჩვენც დავტოვებთ უნივერსიტეტის შენობას", - განაცხადა სტუდენტური თვითმმართველობის თავმჯდომარემ შალვა საბაურმა.
თვითმმართველობის ვიცე-პრეზიდენტის პაატა ბახტურიძის თქმით კი, თუ რექტორი გადადგება, თვითმმართველობის ვადამდელ არჩევნებს გამოაცხადებენ.
ამასთან, იმ შემთხვევაში, თუ სტუდენტური თვითმმართველობა რექტორის გადადგომის მოთხოვნას შეწყვეტდა, აუდიტორია #115-ის წარმომადგენლები პროტესტის შესაჩერებლად მზად იყვნენ.
რადგან შეთანხმება ვერ შედგა, დღეს, 16 მარტს, სტუდენტების ორივე ჯგუფი აქციას გამართავს. თვითმმართველობა აქცია პირველი კორპუსის წინ, 12:00 საათზე დაიწყება, ხოლო აუტორიია #115-ის – პირველი კორპუსის შიდა ეზოში, 13:00 საათზე.