საქართველოს პრეზიდენტმა ბრძანება გამოსცა თბილისში სტიქიის ლიკვიდაციის სამუშაოებში მონაწილეობის მისაღებად შეიარაღებული ძალების გარკვეული ქვედანაყოფების გამოყოფის შესახებ.
ბრძანებაში აღნიშნულია, რომ სამოქალაქო უსაფრთხოების შესახებ საქართველოს კანონის მე-15 მუხლის მე-13 პუნქტის თანახმად, ამ მიზნით გამოყენებულ იქნეს საქართველოს სამხედრო ძალების შემდეგი ქვედანაყოფები: საქართველოს შეიარაღებული ძალების სახმელეთო ჯარების საინჟინრო ბრიგადა; საქართველოს შეიარაღებული ძალების გენერალური შტაბის ჯარების ლოგისტიკურიუზრუნველყოფის სარდლობა; ავიაციისა და საჰაერო თავდაცვის სარდლობა.
ბრძანება ძალაშია ხელმოწერისთანავე.
