საქართველოს პრეზიდენტმა, გიორგი მარგველაშვილმა, ირაკლი ღარიბაშვილის საქართველოს პრემიერად დანიშვნის განკარგულებას ხელი მოაწერა. ამის შესახებ "ინტერპრესნიუსს" პრეზიდენტის საზოგადოებასთან ურთიერთობის სამსახურმა აცნობა.
"ვულოცავ პრემიერ-მინისტრ ირაკლი ღარიბაშვილს და საქართველოს ახალი მთავრობის თითოეულ წევრს იმ დიდ ნდობას, რაც მათ ქვეყნის პარლამენტმა გამოუცხადა. ვუსურვებ ახალ აღმასრულებელ გუნდს წარმატებებს ქვეყნის წინსვლისა და თითოეული მოქალაქის კეთილდღეობისთვის საქმიანობაში", - აღნიშნულია პრეზიდენტის მილოცვაში ახლადანიშნული პრემიერის მიმართ.